Зяленскі ў Брусэлі: Ёсць пазітыўныя пастановы, якія засталіся за кулісамі

Прэзідэнт Украіны паабяцаў «сюрпрызы» для Расеі.

Прэзідэнт Украіны Уладзімір Зяленскі пасля выступу перад Еўрапарламентам і на саміце ЕЗ заявіў, што наконт знішчальнікаў ёсць «пэўныя станоўчыя пастановы, якія засталіся за кулісамі».

Пра гэта сказаў падчас прэс-канферэнцыі з кіраўніком Еўрарады Шарлем Мішэлем і прэзідэнтам Еўракамісіі Урсулай фон дэр Ляен у Брусэлі, паведамляе «Радыё Свабода».

«Наконт знішчальнікаў ёсць пэўныя станоўчыя пастановы, якія засталіся за кулісамі, не хочацца цалкам рыхтаваць Расейскую Федэрацыю», – адказаў Зяленскі на пытанне карэспандэнткі.

Таксама, з ягоных слоў, пасля візіту ў Брытанію ёсць набліжэнне наконт пастановы аб дальнабойнай зброі.