У ЗША мужчына схадзіў у Дыснэйлэнд 3000 разоў запар

Хацеў крыху падвесяліцца.

Рэкорд устанавіў 50-гадовы амерыканец Джэф Рэйц. Ён бываў у парку забаў у Каліфорніі штодня цягам 8 гадоў 3 месяцаў і 13 дзён. Усё пачалося з таго, што мужчына стаў беспрацоўным, піша «Онлайнер».

Джэфа моцна прыгняталі марныя спробы ўладкавацца на працу. І разам з блізкімі яны надумалі, што менавіта дзіцячыя радасці і крыху адрэналіну дапамогуць падвесяліцца. Гэта сапраўды спрацавала: мужчына не захацеў прапускаць ні дня. Праз два месяцы ён сам пачаў удзельнічаць у забаўляльнай праграме: правёў 24-гадзіннае мерапрыемства. Мяркуючы з усяго, маштабнасць вабіць яго ва ўсім.

Пра свае ўражанні пастаянны наведвальнік парку пачаў расказваць у сацсетках. І даволі хутка стаў яшчэ адным сімвалам Дыснэйлэнда. Нароўні з Мікі-Маўсам і Дональдам Дакам ён раздаваў аўтографы і фатаграфаваўся з гасцямі. А ў рэшт быў прызнаны ганаровым грамадзянінам парка. У яго гонар нават зладзілі святочную вячэру і падарылі імянны заплечнік.

Разлучыць Джэфа з улюбёным месцам змог толькі каранавірус. У 2020-м парк закрылі на год. Але ўжо да гэтага моманту мужчына паспеў устанавіць сусветны рэкорд: ён наведваў парк 2 995 дзён запар. Калі ў яго з'явілася праца, даводзілася спецыяльна падладжваць графік пад гадзіны працы парка. Дзіўна, але ва ўсім парку Джэф прызнае толькі адзін атракцыён пад назвай «Дзікая паездка містэра Тода». Астатнія яго не цікавяць.

Дарэчы, гэтае дасягненне ён мог зафіксаваць і значна раней: у гэтай намінацыі ў яго няма ніводнага канкурэнта. Цяпер рэгістрацыяй рэкорду займаецца Кніга рэкордаў Гінэса.