Маск змяніў імя ў Twitter
18- 10.04.2023, 21:48
- 6,618
![Маск змяніў імя ў Twitter](https://i.c97.org/ai/521948/aux-head-1666989909-20221024_Mask_twit_360.jpg)
Мільярдэр стаў Гары Больцам.
Уладальнік Twitter Ілан Маск памяняў сваё імя ў гэтай сацыяльнай сетцы на Гары Больц (Harry Bōlz).
«Выдаваць сябе за іншых няправільна!» – абвяшчае адзін з апошніх твітаў Маска.
Бізнэсмэн набыў Twitter у кастрычніку летась за $44 млрд. Ён асабіста ўзначаліў кампанію і пачаў мяняць палітыку сацсеткі. Сярод іншага, новы ўладальнік прапанаваў зрабіць платнай верыфікацыю старонак і анансаваў з'яўленне лічыльніка праглядаў пастоў.
4 красавіка Маск змяніў лагатып Twitter з сіняй птушкі на выяву сабакі пароды сіба-іну. Ён апублікаваў скрыншот ліставання з карыстальнікам Chairman, які ў сакавіку прапаноўваў яму набыць Twitter і змяніць лагатып сацыяльнай сеткі з сіняй птушкі на інтэрнэт-мем Doge. «Як і абяцаў», – напісаў прадпрымальнік.