28 сакавiка 2024, Чацвер, 11:36
Падтрымайце
сайт
Сім сім,
Хартыя 97!
Рубрыкі

Расея перакідвае на фронт гарматы часоў Сталіна

23
Расея перакідвае на фронт гарматы часоў Сталіна

Састарэлую зброю заўважылі на акупаванай тэрыторыі Украіны.

Сітуацыя з дэфіцытам узбраенняў у расейскага войска працягвае пагаршацца. Апроч старажытных танкаў Т-54 у бок фронту сцягваюць супрацьтанкавыя гарматы сталінскіх часоў, паведамляе УНІАН.

Так, у Еўпаторыі мясцовыя жыхары сфатаграфавалі вайсковы грузавік, які буксіраваў супрацьтанкавую гармату Т-12. Гэтая зброя была распрацаваная яшчэ ў сталінскія часы і прынятая на ўзбраенне савецкага войска ў 1953 годзе. Ужо да 1960-х гадоў Т-12 прыкметна састарэла і ёй на змену прыйшла МТ-12 Рапіра.

Паводле адкрытых крыніц, на захоўванні ў Расеі маецца не менш за 6 тысяч гармат Т-12.

Аб сур'ёзным дэфіцыце сучаснай тэхнікі ў расейцаў стала вядома яшчэ ўвесну мінулага года, калі на фронт упершыню пачалі пастаўляць танкі Т-62 часоў Хрушчова. Праз год сітуацыя толькі пагоршылася.

У лютым упершыню былі заўважаны старадаўнія бронетранспарцёры БТР-50П, якія эшалонамі везлі ў бок Украіны. Гэтая тэхніка выпускалася з 1954 да 1970 года.

Аднак па-сапраўднаму здзіўляць расейцы пачалі ў сакавіку гэтага года, калі на шляхі ва Украіну былі заўважаныя танкі Т-54. Іх прынялі на ўзбраенне ў 1946 годзе! Таксама ёсць здымкі з танкамі ІС-3, якія паспелі прайсці парадам па разбураным Бэрліне ў верасні 1945 года. Але пакуль не зразумела, ці везлі іх у музей, ці сапраўды хочуць адправіць на фронт.

Напісаць каментар 23

Таксама сачыце за акаўнтамі Charter97.org у сацыяльных сетках