Шайгу і Хрэнін падпісалі дакументы аб ядзернай зброі ў Беларусі
84- 25.05.2023, 9:53
- 27,354
Пагадненне тычыцца захоўвання расейскай «нестратэгічнай» ядзернай зброі.
Міністры абароны Беларусі і Расіі Віктар Хрэнін і Сяргей Шайгу сёння падпісалі дакументы, якія вызначаюць парадак утрымання расейскай "нестратэгічнай ядзернай зброі" ў спецыяльным сховішчы на тэрыторыі нашай краіны. Пра гэта паведаміла прэсавая служба Мінабароны.
"Размяшчэнне нестратэгічнай ядзернай зброі - дзейсны адказ на агрэсіўную палітыку непрыязных нам краін", - сказаў Хрэнін.
Ён адзначыў, што стораны зрабілі захады для нарошчвання баявога патэнцыялу рэгіянальнай групоўкі войскаў, маючы на ўвазе перадачу Беларусі комплексаў "Іскандэр-М" і ЗРК С-400.
«Праведзенае пераабсталяванне самалётаў Су-25 з магчымасцю ўжывання авіяцыйных сродкаў знішчэння ў ядзерным абсталяванні. Вайскоўцы Рэспублікі Беларусі прайшлі навучанне на палігонах Расейскай Федэрацыі і атрымалі практычныя ўменні ў іх эксплуатацыі», – дадаў Хрэнін.
Нагадаем, прэзідэнт РФ Уладзімір Пуцін заявіў аб намеры размясціць тактычную ядзерную зброю ў Беларусі ў канцы сакавіка. Тады ён паведаміў, што сховішча будзе падрыхтаванае пад 1 ліпеня.