Лукашэнку стала блага на парадзе ў Маскве: што вядома
95- 9.05.2023, 13:19
- 115,098
Ці з'явіцца дыктатар на мерапрыемствах у Менску?
8 траўня стала вядома, што Пуцін выклікаў Лукашэнку на парад у Маскву.
Беларускі дыктатар прыехаў у РФ хворым. 5 траўня сайт Charter97.org публікаваў відэа, на якім беларускіх дыктатар ледзь варушыць языком.
Лукашенко охрип и еле разговаривает. pic.twitter.com/uFmrwNubYe
— Сharter97.org (@charter_97) May 5, 2023
Мяркуючы з фота і відэа з параду, Лукашэнку нездаровілася і сёння.
Спачатку з'явілася відэа, як Лукашэнка цягнецца ў хвасце запрошаных на парад у Маскву замежных гасцей. Беларускі дыктатар накульгвае.
На трыбунах Лукашэнка сядзеў з перабінтаванай рукой. Магчыма, там застаўся катэтар пасля кропельніц.
Кульмінацыяй стаў момант, калі Лукашэнка папрасіў Пуціна, каб да Магілы Невядомага Салдата, куды павінны былі прайсці расейскі кіраўнік і госці Крамля, яго адвёз аўтамабіль. Беларускі дыктатар быў не ў стане прайсці некалькі соцень метраў пешшу.
Адзначым, што сёння ў Менску павінны прайсці мерапрыемствы з удзелам Лукашэнкі - ускладанне кветак. Яно мусіць прайсці а 19:00.