Палітолаг: Для Лукашэнкі ўзнікла выбухованебяспечная сітуацыя
19- 11.06.2023, 11:25
- 33,048
Пачалі дзейнічаць два фактары.
Самаабвешчаны кіраўнік Беларусі Аляксандр Лукашэнка моцна залежыць ад сябра-дыктатара Уладзіміра Пуціна. Пытанне ўваходжання ў вайну супраць Украіны займае вядучае месца ў іх дачыненнях.
Пра гэта «24 каналу» распавёў палітолаг Тарас Загародні.
Тарас Загародні растлумачыў, што блізу 90% беларускага насельніцтва катэгарычна супраць прыцягнення Беларусі да вайны, бо не разумее, чаму ўкраінцы раптоўна павінны стаць ворагамі.
«Гэта вельмі небяспечна для Лукашэнкі», - падкрэсліў палітолаг.
«Па-другое, пад вялікім пытаннем менавіта беларускае войска. У ім няма кантрактнікаў, як у Расеі, таму ў шэрагах Узброеных сіл хлопцы ад 18 да 20 гадоў, якія хочуць абараняць сваю краіну, а не ваяваць незразумела за што. Украінскія вайскоўцы таксама не будуць шкадаваць нікога, хто прыйшоў на іхнюю зямлю.
Вайсковае кіраўніцтва Беларусі і беларусы разумеюць, што для расейцаў яны - расходны матэрыял, ніжэйшы па статусе нават чым ПВК «Вагнера», а гэта створыць выбухованебяспечную сітуацыю для Лукашэнкі», - дадаў Тарас Загародні.
На яго думку, такія настроі не іграюць на руку Лукашэнку, і ў Беларусі можа быць пераварот.
Тарас Загародні падкрэсліў, што самі расейцы баяцца перакідаць частку войска ў Белгародскую вобласць, дзе цяпер праводзіцца спецаперацыя па «вызваленні» рэгіёну ад дыктатуры Уладзіміра Пуціна, бо не ўпэўненыя, што байцы не пяройдуць на бок Расейскага добраахвотніцкага корпуса і легіёна «Свабода Расеі».
«Падобная гісторыя і ў Беларусі. Дзе імавернасць таго, што на яе тэрыторыю не зойдзе якое-небудзь новае падраздзяленне са сваёй важнай місіяй?», - адзначае палітолаг.