Наземныя войскі Украіны ўдарылі па войску РФ у затопленай Херсонскай вобласці

Пазіцыі акупантаў «дымяць» і выбухаюць.

Наземныя войскі УСУ апублікавалі кадры з наступствамі адпрацоўкі ўкраінскай артылерыі па пазіцыях расейскіх акупантаў на левабярэжжы Херсоншчыны.

Інфармацыя абнародаваная на афіцыйным Telegram-канале войскаў.

Каб праілюстраваць кадры адпрацоўкі, выкарыстоўвалі відэа ад сведкі падзей, які знаходзіўся на правабярэжжы. Мужчына паказвае 3-4 пункты, якія дымяць на супрацьлеглым беразе Дняпра:

злева ад назіральніка - «гарыць»;

справа ад назіральніка - «гарыць і выбухае».

Акрамя таго, у кадр трапляе цячэнне Дняпра - відаць, як нясецца вада, якая сцякае з-за прарыву ў дамбе Кахоўскай ГЭС.

У паведамленні не пазначана, дзе менавіта размешчаныя пазіцыі войска РФ, па якіх ударылі УСУ.

Каб вызначыць магчымыя месцы адпрацовак, можна звярнуць увагу на арыенціры, якія трапляюць у кадр– напрыклад, на ліхтары на беразе побач з аператарам. Падобныя ліхтары размешчаныя ў раёне «Арэстанка» ў Херсоне.

Калі адзначыць адпаведную кропку на карце, становіцца зразумела, што дыміць, гарыць і выбухае недзе ў раёне паміж Алешкамі і Кардашынкай (арыентыровачна, патрабуе ўдакладнення).