Афіцыйна: УСУ перайшлі ў наступ пад Бахмутам

Украінскія войскі прасунуліся больш як на кіламетр.

Украінскія вайскоўцы на Бахмуцкім кірунку перайшлі з абароны ў наступ. Учора было прасоўванне да 1 100 метраў на розных адцінках.

Пра гэта паведаміла намесніца міністра абароны Украіны Ганну Маляр у Telegram.

Паводле ейных слоў, украінскія абаронцы ўчора на розных адцінках Бахмуцкага кірунку рушылі наперад ад 200 да 1100 метраў.

Маляр адзначыла, што акупанты перайшлі да абароны, спрабуючы ўтрымаць занятыя пазіцыі. Як зазначае намесніца міністра, расейцы сцягваюць свае рэзервы на гэты кірунак з глыбіні для абароны.

«Вагнераўцы застаюцца дзе-нідзе ў тылавых падраздзяленнях. Цяпер баявыя дзеянні вядзе рэгулярнае войска РФ, выкарыстоўвае дэсантна-штурмавыя атрады», - гаворыцца ў паведамленні.

Маляр патлумачыла, што УСУ атрымліваецца трымаць абарону на Бахмуцкім кірунку дзякуючы падрыхтаваным умацаванням.

«Уся мясцовасць вакол - гэта фактычна ўмацаваны раён. Рыхтавалася ўмацаванне загадзя сіламі нашых войскаў і мясцовых вайсковых адміністрацый. Будавалі капітальна», - дадала яна.

Баі на Бахмуцкім кірунку

У апошнія тыдні баі на гэтым адцінку фронту ўзмацніліся. Акупанты змаглі захапіць большую частку Бахмута, аднак УСУ прасунуліся на флангах. Раней камандзір Наземнымнымі войскамі генерал-палкоўнік Аляксандр Сырскі адзначыў, што ўкраінскія абаронцы спрабуюць узяць Бахмут у аператыўную аблогу.

Сырскі таксама паказаў кадры, як украінскія абаронцы выбіваюць акупантаў з пазіцый на флангах.

Раней намесніца міністра абароны Ганна Маляр паведаміла, што абаронцы на розных адцінках Бахмуцкага кірунку прасунуліся на 1 600 метраў. Паводле ейных слоў, УСУ маюць поспехі на кірункаху Арэхава-Васілёўкаі і Парасковееўка, а таксама Іванаўская-Клішчыеўка.