«Пішу, што з 2 да 22 жніўня буду ў экспедыцыі на Месяцы з праектам Ілана Маска»

Як выкладчыкі лезуць у прыватнае жыццё беларусаў.

Чытачка сайта Charter97.org расказала, як яна здалела аджартавацца ад дакучлівых выкладчыкаў са школы, у якой вучацца ейныя дзеці:

— Нарэшце закончыўся школьны год, так ужо хочацца разняволіцца, забыцца на ўсе гэтыя хатнія заданні, выправы на лініі сталіна, хатыні, “найлепшыя песні пра вайну”, але ж не выпадае.

Тут ужо ляціць дэпеша — падаць дакладныя адрасы, дзе і з кім дзіця прабавіць лета. Усе пішуць, а я ў гэтым бачу татальны кантроль. Якая каму розніца, дзе я са сваімі дзецьмі буду ўлетку. Таму жартам пішу, што з 2 да 22 жніўня буду ў экспедыцыі на Месяцы з праектам Ілана Маска. Настаўніца раздражнёна адказвае, навошта я тут кепікі строю з яе. У адказ дасылаю «не хвалюйцеся, калі экспедыцыю перанясуць, я Вас папярэджу». Падумалі, вар’ятка, адчапіліся.

Але ж так ужо данялі з гэтым бясконцым сованнем носа ў прыватнае жыццё чалавека. Сёння беларусы ходзяць, азіраючыся, на вуліцах, баяцца словам перакінуцца, жывуць адным днём, дакладней, не днём, а гадзінамі. Кожны чакае, хто будзе ў сінім мікробусе наступны. Таму нават я, маці, дакладна самая не ведаю, дзе мае дзеці будуць заўтра: спаць ва ўтульных ложках або ляснымі сцежкамі ўцякаць ад кіпцюроў ГУБАЗіКа.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com