Захарава распавяла пра «залаты мільярд», які «хоча скараціць насельніцтва Зямлі»

МЗС РФ скацілася да канспіралагічнага трызнення.

Прыхільнікі ідэі «залатога мільярда» ў імкненні скараціць насельніцтва Зямлі, якое яны ніколі не хавалі, дайшлі да Украіны, заявіла афіцыйная прадстаўніца МЗС РФ Марыя Захарава.

Прадстаўніца расейскай дыпламатыі падчас брыфінгу пераказала канспіралагічную тэорыю, прыдуманую ў СССР у 1970-я гады. Яна абвяшчае, што «таемныя эліты заходніх краін» нібы хочуць скараціць насельніцтва Зямлі.