У Мёрскім раёне арыштавалі ксяндза
- 8.06.2023, 12:11
- 4,550
Яму далі сем дзён арышту.
Ксяндза Вячаслава Адамовіча з Мёрскага раёна арыштавалі на сем дзён, пра гэта паведамляе тэлеграм-канал «Хрысціянская Візія».
Свяшчэннаслужыцеля судзілі паводле двух артыкулаў КК - распаўсюджванне экстрэмісцкіх матэрыялаў і ўдзел у несанкцыянаваных масавых мерапрыемствах.
У адной з сацыяльных сетак Адамовіча знайшлі падпіску на «экстрэмісцкую» суполку і старонку, а ў другой у стужцы профілю знайшлі выяву бел-чырвона-белага сцяга з «Пагоняй».
Справу Вячаслава Адамовіча разглядала суддзя Мёрскага раённага суда Ірына Яскевіч.