21 красавiка 2024, Нядзеля, 23:50
Падтрымайце
сайт
Сім сім,
Хартыя 97!
Рубрыкі

Пяскоў захваляваўся праз магчымае дачыненне Пуціна да ліквідацыі Прыгожына

15
Пяскоў захваляваўся праз магчымае дачыненне Пуціна да ліквідацыі Прыгожына

Прэсавы сакратар Крамля пачаў апраўдвацца пасля паведамленняў у мэдыях.

Прэсавы сакратар Крамля Дзмітрый Пяскоў назваў "хлуснёй" усе меркаванні аб датычнасці Пуціна да смерці кіраўніка ПВК "Вагнер" Яўгенія Прыгожына ды іншых кіраўнікоў кампаніі. Яны загінулі ў выніку падзення самалёта ў Цверскай вобласці РФ у сераду.

«Цяпер, вядома, вакол гэтай авіякатастрофы і трагічнай загубы пасажыраў самалёта, у тым ліку і Яўгенія Прыгожына, вельмі шмат спекуляцый. Вядома, на Захадзе ўсе гэтыя спекуляцыі падаюцца пад вядомым кутом. Усё гэта абсалютная хлусня. І тут, вядома, трэба, асвятляючы гэтую праблематыку, грунтавацца выключна на фактах», — сказаў Пяскоў, паведамляе ТАСС.

Трэба адзначыць, што Уладзімір Пуцін выказаў свае спачуванні наконт катастрофы толькі праз дзень.

Раней крыніца блізкага да расейскіх вайскоўцаў тэлеграм-канал ВЧК-ОГПУ паведаміла, што Яўгеній Прыгожын мог сустракацца з Уладзімірам Пуціным у Маскве за дзень да загубы.

Нагадаем, у канцы чэрвеня Прыгожын узняў бунт ПВК «Вагнер». Яе ваеўнікі занялі штаб Паўднёвай вайсковай акругі ў Растове-на-Доне і пачалі марш на Маскву.

Напісаць каментар 15

Таксама сачыце за акаўнтамі Charter97.org у сацыяльных сетках