Як разгрузіць страўнік пасля навагодніх святаў

Сем парадаў.

У святы прынята накрываць багатыя сталы: нават калі пакаштаваць усяго патроху, ёсць рызыка пацярпець ад пераядання. Спецыялісты расказваюць, як зменшыць негатыўныя наступствы і хутчэй ачуцца.

Піце ваду

Не трэба ўліваць у сябе ваду да млоснасці, адной шклянкі будзе цалкам даволі пасля багатага прыёму ежы. Вада дапаможа страваванню, калі вы елі сухамятку (гэта значыць прычынай вашага абжорства стаў не суп або рагу), і паспрыяе вывядзенню лішняй солі, якую вы, верагодна, атрымалі ў лішку разам з ежай. Прадаўжайце піць ваду ў астатнюю частку дня, каб падтрымліваць водны баланс і адчуваць сябе лепш.

Пашпацыруйце

Лёгкі шпацыр дапаможа стымуляваць страваванне і выраўнаваць узровень цукру ў крыві. Шпацыр можа быць нават роварны. Галоўнае, не перашчыруйце, ваша мэта не паставіць рэкорд, а толькі павольна праехацца.

Не кладзіцеся

Разумеем, вам хочацца прылегчы, але гэта дрэнная ідэя. Па-першае, так вы выпусціце шанец спаліць частку толькі што з'едзеных калорый, прынамсі заняўшыся справамі дома. А па-другое, ляжаць на поўны страўнік лекары не раяць: ежа можа, скажам так, вярнуцца зваротна. Палажэнне лежачы можа пагоршыць кіслотны рэфлюкс, акрамя таго, сон запавольвае страваванне.

Паліце калорыі

Пачакайце прыкладна тры-чатыры гадзіны пасля багатага прыёму ежы і, калі адчуеце, што ежа ператравілася, прыступайце да трэніроўкі. Не важна, што гэта будзе: прабежка, сілавая трэніроўка ці адна са спартовых гульняў. Фізічная актыўнасць паскорыць метабалізм, прадухіліць запоры і дапаможа спаліць лішнія калорыі.

Адмоўцеся ад газоўкі

Чым сапраўды не варта запіваць ежу, дык гэта газоўкай. За кошт газу вы можаце адчуць сябе горш, бо страўнік і так перапоўнены. І далёка не ўсе бурбалкі з напою выходзяць у выглядзе адрыжкі, частка прадаўжае вандраванне па стрававальнай сістэме, якой і так няпроста пасля пераядання.

Не даядайце

Вы ўжо і так пераелі, найгоршае, што можна зрабіць у такім выпадку, – прымусіць сябе даесці рэшту на талерцы. Карыстайцеся магчымасцю зрабіць паўзу падчас доўгага застолля, вярніцеся да стравы пасля перапынку, калі жаданне не пакрыўдзіць гаспадыню стала для вас важнейшае за ўласнае здароўе. Але ў любым выпадку на вас ніхто не пакрыўдзіцца, калі вы прызнаецеся: было так смачна, што вы вельмі шмат з'елі, і ў вас больш не змесціцца ні кавалачка!

Больш ежы, але менш калорый

Не паўтарайце памылку ў наступны прыём ежы. Нават калі вамі авалодаў зверскі апетыт, выбірайце лягчэйшыя нізкакаларыйныя стравы, каб не пагаршаць сітуацыю і даць арганізму ачуцца. Унікайце тлустага мяса, свежага белага хлеба, смажанай бульбы. Цэльназернавыя прадукты будуць больш дарэчныя, чым рыс або макароны. Абалоніна вам не перашкодзіць!