Медыкі распавялі, што адбылося з вучнямі сталічнай школы №165
7- 11.01.2024, 15:45
- 10,708
Сем падлеткаў дагэтуль у шпіталі.
Цяпер на лячэнні ў дзіцячай інфекцыйнай клінічнай лякарні Менска знаходзяцца сем падлеткаў з сярэдняй школы №165, якія паступілі з прыкметамі кішэчнай інфекцыі. Пра гэта распавёў загадчык інфекцыйнага аддзялення №3 Вадзім Лагацько, піша агенцтва «Минск-Новости».
Са слоў спецыяліста, школьнікі пачалі паступаць у клініку з вечара 9 студзеня. Усяго па медыцынскую дапамогу звярнуліся восем падлеткаў, з іх семярых шпіталізавалі, а аднаго бацькі забралі дадому на амбулаторнае лячэнне, бо ў стацыянарнай медыцынскай дапамозе ён не меў патрэбы.
- Самаму малодшаму з гэтых пацыентаў 10 гадоў, старэйшаму - 14, - адзначыў Лагацько. — У траіх падлеткаў ужо пацвердзілася вірусная інфекцыя (у дваіх — ротавірус, у аднаго — наравірус). Астатнія - у працы.
Лекар удакладніў, што школьнікі звярнуліся ў лякарню з сімптомамі - падвышаная тэмпература, ваніты, дыярэя. Вынікі лабараторных даследаванняў паказалі, што гэта вірусная кішачная інфекцыя. Яна перадаецца бытавым шляхам - ад чалавека да чалавека. Не праз ежу і не праз ваду.
- Таму школа тут не вінаватая, - канстатаваў спецыяліст.
Гаворачы пра стан здароўя школьнікаў, урач адзначыў, што ён стабільны, сярэдняй ступені цяжкасці. Тэмпература ў дзяцей - 37,2-37,3 ° С, яны ядуць, п'юць. Калі ўсё будзе нармальна, на наступным тыдні іх выпішуць.