«Адказік» прыляцеў

Як вядомыя прыхільнікі агрэсіі перасталі знаходзіцца ў бяспецы ў Расеі.

У Санкт-Пецярбургу невядомыя падпалілі дзверы пракрамлёўскага блогера і вядоўца радыё Sputnik Трафіма Татаранкава. Сам ён мяркуе, што за падпалам можа стаяць СБУ. Гэта — далёка не першы выпадак, калі «адказік» прылятае прыхільнікам агрэсіі, якія знаходзяцца ў РФ. У 2023-м іх нават узрывалі і расстрэльвалі, піша Telegram-канал «Можем объяснить».

2 красавіка. Пры выбуху забіты "ваенны карэспандэнт" Уладлен Татарскі. На сустрэчы з фанатамі ў кавярні Прыгожына яму ўручылі статуэтку, якая выбухнула ў ягоных руках. Паводле падазрэння ў забойстве затрыманая Дар'я Трэпава.

6 траўня. Узарваны аўтамабіль з пісьменнікам Захарам Прылепіным. У выніку замаху загінуў ягоны ахоўнік. Сам Прылепін атрымаў цяжкія раны і доўгі час не мог хадзіць.

6 снежня. Забіты палітык Ілля Ківа. Былога народнага дэпутата, які абвінавачваецца ў дзяржаўнай здрадзе, застрэлілі ў пад Масквой, дзе ён хаваўся ад правасуддзя. Кілер доўгі час асочваў Ківу, а пасля забойства пакінуў межы РФ.

18 снежня. Невядомыя залілі пенай уваходныя дзверы ў пецярбуржскіх кватэрах «ваенных карэспандэнтаў» Рамана Сапонькава і Дзмітрыя Сцешына. Паводле падазрэння паліцыя затрымала двух падлеткаў.

Цэлы год паступалі пагрозы «ваенным карэспандэнтам»: Аляксандру Коцу, Валянціну Трушніну, Уладзіславу Шурыгіну. Дроны рэгулярна падалі каля дома прапагандысткі Маргарыты Сіманьян.

У РФ ад правасуддзя хаваюцца Віктар Януковіч, Віктар Медзвядчук, Віталій Захарчанка, Уладзімір Сальда, Сяргей Аксёнаў. Хто з іх можа стаць наступным?

«Ніхто з іх не ёсць у абсалютнай бяспецы, бо яны з'яўляюцца здраднікамі, ворагамі і злачынцамі. Калі мы гаворым пра магчымасць ліквідацыі Аксёнава, гэта значна цікавейшы варыянт, чым марнаваць рэсурсы на Сальда. Але калі Сальда мае ахову менш прафесійную і шматлікую, то для разнастайнасці можна засяродзіцца на ліквідацыі гэтага персанажа», — сказаў «МО» ўкраінскі палітолаг Аляксандр Каваленка.