Зяленскі: Украіна можа вырабляць 4 мільёны дронаў за год
7- 1.10.2024, 20:59
- 2,082
Ужо закантрактавана 1,5 мільёна беспілотнікаў.
Украіна здольная вырабляць 4 мільёны дронаў кожны год. Ужо закантрактавана 1,5 мільёна беспілотнікаў.
Пра гэта паведамляе РБК-Украіна са спасылкай на выступ прэзідэнта Украіны Уладзіміра Зяленскага на другім Міжнародным форуме абаронных індустрыі.
«Агульная колькасць дронаў, якія мы цяпер ва Украіне здольныя вырабляць кожны год, – 4 мільёны. І ўжо больш за 1,5 мільёна закантрактавана», – падкрэсліў Зяленскі.
Ён нагадаў, што ўкраінскія абаронцы ўжо ўжываюць новы клас украінскай зброі – дальнабойную ракету-дрон «Паляніца». Таксама УСУ выкарыстоўваюць і іншыя дальнабойныя дроны і марскія дроны.
Паводле словаў кіраўніка дзяржавы, новая ўкраінская балістычная ракета паспяхова прайшла лётныя выпрабаванні.
Ва Украіны таксама ёсць «Нептуны», яна вырабляе сама менш 15 САУ «Багдана» штомесяц.