З'явілася поўнае відэа знішчэння расейскага ВДК «Цэзар Кунікаў»

Карабель атрымаў крытычную прабоіну пасля ўдару дронамі Magura V5.

Расейскі вайсковы карабель «Цэзар Кунікаў» быў атакаваны Галоўнай упрвай выведкі Міністэрства абароны ва ўзаемадзеянні з іншымі складнікамі Сіл бяспекі і абароны Украіны ўдарнымі марскімі дронамі Magura V5.

ВДК (вялікі дэсантны карабель) атрымаў крытычныя прабоіны па левым борце і пачаў тануць.

Гэта раніцай 14 лютага пацвердзіла прэс-служба ГУВ. YouTube-канал ведамства абнародаваў відэа спецаперацыі.

«Цэзар Кунікаў» быў падбіты ў Чорным моры ля берагоў часова акупаванага Крыма недалёка ад горада Алупка. Паспяховую місію ажыццявілі спецназаўцы «Групы 13» ГУВ МА Украіны.

Да знішчэння варожага карабля прыклалі руку і валанцёры. "Рэалізацыя спецаперацыі стала магчымай пры падтрымцы платформы United24", - адзначыла прэс-служба.

Украінская выведка мяркуе, што акупанты панеслі страты ў жывой сіле. У ведамстве заявілі, што пошукава-выратавальная аперацыя захопнікаў поспеху не мела.

Сімвалічна, што расейскі афіцэр Цэзар Львовіч Кунікаў, імем якога назвалі судна, быў забіты роўна 101 год таму - 14 лютага 1943-га.

У ГУВ дадалі, што атакаваны вялікі дэсантны карабель - гэта адно з найноўшых расейскіх суднаў. Карабель змяшчаць 87 чальцоў экіпажа на борце. Выкарыстоўваўся Масквой падчас войнаў супраць Грузіі, Сірыі і Украіны.