Як тануў «Цэзар Кунікаў»: стала вядома аб неадэкватных паводзінах маракоў

Расейскі ВДК атакавалі групай дронаў.

Для нападу на вялікі дэсантны карабель (ВДК) Расеі «Цэзар Кунікаў» выкарыстоўваліся марскія дроны Magura V5, якім супрацьстаялі матросы з аўтаматамі.

Пра гэта паведамляе Defense Express.

Дроны атакавалі карабель групай з розных ракурсаў і паслядоўна знішчалі ключавыя вузлы ВДК.

Як піша выданне, калі аналізаваць выкладзеную харалогію на відэа, першы робат набліжаўся да карабля з боку берага з мэтай паражэння насавой часткі, дзе знаходзіцца насавая апарэль. Апошняя сама па сабе з'яўляецца ўразлівым месцам ВДК. Нягледзячы на наяўнасць на борце карабля дзвюх 57-мм спараных аўтаматычных гармат АК-725 – на відэа іх працы не заўважана.

Падчас атакі на караблі бегалі і мітусіліся расейскія маракі. Некаторыя з іх спрабавалі збіць дроны з аўтаматаў.

Імаверна, першы робат трапіў у насавую частку карабля, што азначае прабоіну ў галоўным труме.

Іншы робат набліжаецца да цэлі ўжо з боку мора. У той жа час яму зноў супрацьстаіць адзіны сродак абароны ВДК Расеі ад такой атакі - марак з аўтаматам.

Удар з іншага борта карабля прыпаў на адсек з сілавой устаноўкай, якая знаходзіцца ў апошняй траціне корпуса. Яе добра відаць дзякуючы цеплавізару.

У гэтую частку корпуса цэліцца яшчэ адзін дрон, які павялічвае пашкоджанне.

Чарговы робат фіксуе «Цэзара Кунікава» са значным нахілам на борце. Фактычна карабель ужо ляжыць на баку.

Як нагадвае выданне, такім чынам у Расеі ўжо «мінуснулі» чацвёрты ВДК у Чорным моры, пасля знішчэння:

«Саратава»;

«Мінска»;

«Новачаркаска».