Яраслаў Крашэўскі: Польшча можа атрымаць ядзерную зброю паводле праграмы NATO
9- 18.02.2024, 21:34
- 5,184
Польскі генерал расказаў аб прыярытэтнай задачы на бліжэйшыя гады.
Магчымасць Польшчы атрымаць статус ядзернай дзяржавы і размясціць ядзерную зброю на сваёй тэрыторыі ўпершыню за многія гады становіцца рэальнай. Гэты сцэнар можа здзейсніцца ў рамках праграмы Nuclear sharing, якая прадугледжвае размяшчэнне ядзерных боепрыпасаў ЗША на тэрыторыі краін NATO. Аб гэтым заявіў польскі генерал у адстаўцы Яраслаў Крашэўскі ў інтэрв'ю радыё RMF24.
Крашэўскі ўказаў, што Варшава разглядае гэта як прыярытэтную задачу на найбліжэйшыя гады, асабліва ў святле ўзмацнення вайсковай моцы Расеі і баявых дзеянняў ва Украіне.
«Я разглядаю гэты сцэнар як цалкам рэальным. Тыя, хто мае ядзерны патэнцыял, маюць вельмі высокі ўзровень бяспекі. Звычайна такія дзяржавы не зазнаюць напады, і магчымасць якіх-небудзь дзеянняў, накіраваных на тое, каб выклікаць лакальны крызіс, нават не разглядаецца. Менавіта таму я разглядаю валоданне такім арсеналам як выклік на найбліжэйшыя некалькі гадоў», - сказаў генерал Крашэўскі.
Польшча выказала жаданне атрымаць ядзерны арсенал яшчэ ў 2023 годзе, і NATO разглядае такую магчымасць. Цяпер Злучаныя Штаты захоўваюць тактычную ядзерную зброю ў Еўропе і Турцыі.
Нагадаем, намеснік старшыні Рады бяспекі РФ Дзмітрый Мядзведзеў працягвае пагражаць ядзернай зброяй. На думку аналітыкаў амерыканскага Інстытута вывучэння вайны (ISW), магчыма, збольшага гэта накіраванае на тое, каб стрымаць заходнюю дапамогу Украіне.