«Пашыхтавалі ў чыстым полі камандзіры»

З'явіліся новыя кадры маштабнага разгрому расейцаў у Валнавасе.

З'явіліся новыя фота і відэа пасля ўдару УСУ ракетамі HIMARS па палігоне каля сяла Трудоўскае ў Валнавахскім раёне Данецкай вобласці, аб якім раней паведамілі расейскія «ваенкары».

Кадры маштабнага разгрому акупантаў апублікаваў тэлеграм-канал Astra.

У момант удару вайскоўцы 4, 5 і 6-й роты 36-й гвардзейскай мотастралковай брыгады (воінская часць 06705), былі пашыхтаваныя на палігоне і чакалі прыбыцця камандзіра 29-й арміі Усходняй ваеннай акругі, генерал-маёра Алега Майсеева.

Мяркуючы з фота і відэа, якія з'явіліся ў сеціве, у выніку ўдару маглі загінуць дзясяткі расейскіх вайскоўцаў.