20 красавiка 2024, Субота, 13:51
Падтрымайце
сайт
Сім сім,
Хартыя 97!
Рубрыкі

Яны баяцца суда

2
Яны баяцца суда
ЛЕАНІД СУДАЛЕНКА

Голас беларусаў - галоўная зброя.

Аб забойстве Ігара Ледніка. Казаў і яшчэ раз кажу: людзі паміраюць дома ці ў лякарнях. У турме людзей забіваюць! Бо калі чалавек хворы, яго трэба лячыць. Калі моцна хворы, вызваліць ад пакарання. Інакш прысуд суда аб пазбаўленні волі роўны смяротнаму пакаранню.

І зноў не адпускаюць думкі пра палітвязняў, якіх утрымліваюць у нечалавечых умовах. Асабліва пра тых, у каго вялікія тэрміны. Там гэта часта гучыць як "ніколі". У сэнсе - ніколі не скончыцца тэрмін!

Інтэлектуальна кожны задумваецца над сэнсам жыцця і, магчыма, не раз развітваецца з ім. Маральна там цяжка ўдвая, бо не адпускае разуменне прававога беззаконне, ты за кратамі без злачынства, толькі за тое, што не згодны!

Што можа выратаваць нашых палітычных вязняў, асабліва тых, хто з вялікімі тэрмінамі? Я не знаходжу адказу на гэтае пытанне, у нас няма сёння моцнай дамоўнай пазіцыі. Аднак у нас ёсць тое, што нельга адабраць. Гэта наш голас! Прапаную не маўчаць, крычаць гучней і гучней аб тым, як рэжым павольна забівае нязгодных беларусаў. Наш голас пакідае сляды, і там гэтага моцна баяцца. Яны баяцца хуткага і справядлівага суда, што зараз з'яўляецца нашай галоўнай зброяй.

Гэта я ведаю дакладна!

Леанід Судаленка, “Фэйсбук”

Напісаць каментар 2

Таксама сачыце за акаўнтамі Charter97.org у сацыяльных сетках