Беларуска расказала, як адмовілася фінансаваць Чырвоны Крыж

І задала начальству нязручныя пытанні.

Чытачка сайта Charter97.org распавяла, як адмовілася выплачваць са свайго заробку адлічэнні на Чырвоны Крыж.

Нагадаем, фінансаванне арганізацыі цяпер павесілі на бюджэтнікаў:

- Новы тыдзень пачаўся з новых пабораў. Я ніколі не любіла панядзелкі, такое адчуванне, што пасля двух дзён п'янкі ў майго начальства па панядзелках з'яўляюцца «геніяльныя ідэі», піша чытачка сайта.

Сёння на працы ў шпіталі нам прынеслі паперу для подпісу аб тым, што мы, медыцынскія работнікі, хочам уступіць у арганізацыю «Чырвоны Крыж», добраахвотна згаджаемся адлічваць 1% нашага заробку на ўтрыманне гэтай арганізацыі.

На жаль, большасць людзей падпісалі гэты дакумент моўчкі, баючыся патрапіць у няласку. А я ўжо на пенсіі, так што магу дазволіць сабе хоць крыху супраціву. Адмовілася. Не проста адмовілася, а спытала падчас сустрэчы, што людзі ведаюць пра гэтую арганізацыю, чым яна займаецца, чаму мы павінны яе фінансаваць. У адказ павісла няёмкае маўчанне, бо гэтае словазлучэнне, вядома, усе чулі, але ніхто не можа сказаць, што робяць гэтыя дармаеды.

Шчыра кажучы, я і сама не ведаю, што яны робяць. Вось так, не зазіраючы ў інтэрнэт, я выразна памятаю, што яны актыўна ўдзельнічалі ў шоў розных гадоў пад назвай «выбары». Засядалі ў камісіях, дасылалі сваіх псэўданазіральнікаў.

Але калі загугліла, прачытала, што памочнікі рэжыму Лукашэнкі фінансаваліся Еўропай, але нядаўна еўрапейцы адмовіліся дапамагаць, бо Чырвоны Крыж меў дачыненне да выкрадання ўкраінскіх дзяцей. Таму сёння яны пастанавілі фінансаваць сваю злачынную дзейнасць з кішэняў лекараў.

Не кожны сёння адважыцца адмовіцца праз страх быць звольненым, але я ў такім узросце, што магу дазволіць сабе гэтую раскошу. І гэта надае мне сілы. Лукашыстам не дам ні капейкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com