21 красавiка 2024, Нядзеля, 20:48
Падтрымайце
сайт
Сім сім,
Хартыя 97!
Рубрыкі

Дзяржаўны дэпартамент ЗША: Беларускі народ заслугоўвае лепшага

16
Дзяржаўны дэпартамент ЗША: Беларускі народ заслугоўвае лепшага

ЗША асудзілі «фіктыўныя парламенцкія і мясцовыя выбары» ў Беларусі.

ЗША ў нядзелю асудзілі «фіктыўныя парламенцкія і мясцовыя выбары рэжыму Лукашэнкі», якія закончыліся ў Беларусі, перадае «Голас Амэрыкі».

«Выбары прайшлі ў атмасферы страху, у якой ніякія выбарчыя працэсы не могуць быць названыя дэмакратычнымі», — падкрэсліваецца ў заяве афіцыйнага прадстаўніка Дзяржаўнага дэпартамента Мэцью Мілера.

Рэжым Лукашэнкі па-ранейшаму трымае за кратамі больш за 1400 палітычных зняволеных, а ўсе незалежныя палітычныя дзеячы былі альбо затрыманыя, альбо высланыя, канстатаваў прадстаўнік замежнапалітычнага міністэрства ЗША.

«Усім незалежным палітычным партыям было адмоўлена ў рэгістрацыі. Беларусы, якія знаходзяцца за мяжой, маглі галасаваць толькі ў выпадку вяртання ў Менск, дзе іх, мабыць, чакалі б рэпрэсіі, — адзначаецца ў заяве. – Гэтыя злоўжыванні фактычна замарозілі сапраўдную палітычную дзейнасць і палітычны дыскурс у Беларусі».

Мілер адзначыў, што рэжым не дазволіў Арганізацыі бяспекі і супрацоўніцтва ў Еўропе ажыццявіць назіранне за выбарамі, "што яшчэ больш абмежавала празрыстасць, неабходную для правядзення свабодных і справядлівых выбараў".

"Злучаныя Штаты прызнаюць сілу, трываласць і мужнасць грамадзянскай супольнасці і дэмакратычнага руху Беларусі", — падкрэсліваецца ў дакуменце.

ЗША зноў заклікалі рэжым Лукашэнкі спыніць рэпрэсіі, вызваліць усіх палітычных вязняў і распачаць дыялог са сваімі палітычнымі апанентамі.

"Беларускі народ заслугоўвае лепшага", - канстатаваў Мэцью Мілер.

Напісаць каментар 16

Таксама сачыце за акаўнтамі Charter97.org у сацыяльных сетках