24 красавiка 2024, Серада, 2:44
Падтрымайце
сайт
Сім сім,
Хартыя 97!
Рубрыкі

Няўзораў: Цяпер бунтаўнікі будуць падсвечваць сабе дарогу полымем аўтаматных чэргаў

6
Няўзораў: Цяпер бунтаўнікі будуць падсвечваць сабе дарогу полымем аўтаматных чэргаў

Ліхтарыкі на тэлефонах запаліліся апошні раз.

У Крамлі ў дзень пахавання Навальнага было вялікае свята, заявіў публіцыст Аляксандр Няўзораў.

Няўзораў думае, што гэтая радасць наіўная, а перамога над забітым апазіцыянерам - піравай:

«Гэтая радасць была такой жа дурной, як і сам Пуцін. Таму што пахаванне Навальнага - гэта той Рубікон, які закрывае эру мірнага пратэсту. У магілу на Барысаўскіх могілках разам з труной апошняга рамантыка Расеі леглі і ўсе ілюзіі аб магчымасці бяскроўнага фіналу для Пуціна і яго лёкаяў. У ёй жа закапаныя і ўсе спадзяванні на тое, што гістарычная драма, якую мы назіраем, скончыцца без павешанняў на ліхтарах, без катаклізмаў. Крамлёўскі вампір яшчэ будзе з нудой і пяшчотай успамінаць педантычнага Аляксея Анатольевіча Навальнага, бо надалей высакародных ворагаў у яго ўжо ніколі не будзе. Ёсць абгрунтаваная надзея на тое, што ліхтарыкі на тэлефонах запаліліся апошні раз. Затым будуць падсвятляць сабе дарогу ўжо полымем аўтаматных чэргаў».

«Навальны быў рамантыкам, ён верыў у законы, справядлівасць, у перамогу дабра над злом і да таго падобнае глупства. А той, хто яго зменіць, улічыць усе гэтыя памылкі і будзе дзейнічаць значна больш жорстка» - рэзюмуе Няўзораў.

Напісаць каментар 6

Таксама сачыце за акаўнтамі Charter97.org у сацыяльных сетках