У ЗША абрынуўся 2,5-кіламетровы аўтамабільны мост
19- 26.03.2024, 12:04
- 13,828
У яго рэзнулася грузавое судна.
У ЗША абрынуўся аўтамабільны мост, некалькі чалавек апынуліся ў вадзе, паведамляе Bild.
Аўтамабільны мост даўжынёй 2,57 км знаходзіўся ў горадзе Балтымор, штат Мэрыленд. Ён пабудаваны ў 1977 годзе і злучаў два берагі ракі Патапска. Мост быў названы ў гонар Фрэнсіса Скота Кі, аўтара тэксту гімна ЗША.
Уноч на аўторак кантэйнернае судна "Далі" пад сцягам Сінгапура, якое ішло на Шры-Ланку, рэзнулася ў апору моста. Канструкцыя не вытрымала ўдару і разбурылася. Паводле папярэдніх звестак, на мосце знаходзіліся некалькі чалавек і аўтамабіляў. Цяпер іх шукаюць у вадзе, у тым ліку з гелікаптэра.