Спікер УСУ: РФ рыхтуе некалькі груп Су-34 і Су-35 для нанясення ўдараў
3- 4.03.2024, 18:07
- 12,538
![Спікер УСУ: РФ рыхтуе некалькі груп Су-34 і Су-35 для нанясення ўдараў](https://i.c97.org/ai/585623/aux-main-1709200226-20240229_air_rus_360.jpg)
Раскрытыя магчымыя кірункі.
Пасля значных страт самалётаў вораг уцёк з паветранай прасторы Украіны, але зараз пачынае аднаўляць сваю актыўнасць.
Пра гэта сказаў прадстаўнік Камандавання Паветраных сіл УСУ Юрый Ігнат у эфіры тэлемарафона. З яго слоў, нават быў перыяд - некалькі гадзін падчас якіх ніводнай паветранай цэлі ў небе не было, бо акупанты ўбачылі, што па іх працуюць.
«Яны робяць высновы і ўцяклі з нашай паветранай прасторы», - адзначыў ён. Пры гэтым дадаў, што такая сітуацыя была часовай.
Ігнат паведаміў, што самалёты з'явіліся зноў і цягам учарашняга дня некалькі дзясяткаў кіраваных авіябомбаў таксама былі накіраваныя з розных кірункаў.
«Ну і зараз бачым на раніцу ўжо некалькі ўдарных груп Су-34 і Су-35, якія могуць рыхтавацца да нанясення ўдараў менавіта на ўсходнім і паўночным кірунках», - падкрэсліў прадстаўнік Камандавання Паветраных сіл.
Ігнат адзначыў, што пасля збіцця другога самалёта далёкага радыёлакацыйнага выяўлення А-50, іх ужо тыдзень няма ў небе.
«Ужо сёмы дзень, калі не памыляюся, А-50 не з'яўляецца ні ў Растоўскай вобласці, ні ў акваторыі Азоўскага мора. Праціўнік заявіў, што будуць аднаўляць тыя, што на захоўванні знаходзяцца. Наколькі гэты працэс будзе хуткім ці доўгім сказаць цяжка. Але ўсё ж гэтыя самалёты ім вельмі патрэбныя для таго, каб планаваць удары, праводзіць радыёлакацыйную разведку паветранай прасторы нашай дзяржавы», - дадаў ён.