Падвойны ўдар па войсках РФ у Луганску: Z-прапагандзе прымроіліся «Таўрусы»

З’явілася мноства відэа з момантам атакі.

Расейскія Z-каналы пачалі масава прасоўваць версію аб тым, што ўдар па вайсковай базе РФ у Луганску нібыта быў нанесены нямецкімі ракетамі Taurus.

Пры гэтым Бэрлін не абвяшчаў аб іх пастаўцы УСУ, перадае Диалог.UA.

Жыхары акупаванага Луганска пачалі масава пісаць аб удары па машынабудаўнічым заводзе прыкладна аб 11.30 дня суботы, 13 красавіка.

Вядома, што гэтае прадпрыемства УС РФ выкарыстоўвалі ў сваіх патрэбах, у тым ліку, як базу для рамонту вайсковай тэхнікі.

З’явілася мноства відэа ўдару, дзякуючы якім можна зрабіць некалькі высноў. Па-першае, удар быў падвойным.

Відавочца зафіксаваў паўторны прылёт ракеты па заводзе, які ўжо дыміцца.

Па-другое, на заводзе знаходзілася ўзбраенне - на відэа патрапіў момант другаснай дэтанацыі пасля ўдару.

Z-каналы запэўніваюць, што для нападу нібы выкарыстоўваліся нямецкія ракеты Taurus. Гэтая версія выглядае сумнеўнай. Рэч у тым, што Нямеччына катэгарычна адмаўляецца пастаўляць іх Украіне, баючыся эскалацыі канфлікту.

Ніякіх пацверджанняў, што гэтыя ракеты з'явіліся ў УСУ, цяпер няма. Мяркуючы з відэа, з адназначна можна сказаць толькі тое, што напад ажыццяўлялася крылатымі ракетамі.

Хутчэй за ўсё, гэта маглі быць брытанскія Storm Shadow/SCALP.