СМІ распавялі, калі УСУ знішчаць Крымскі мост

З'явіўся план вызвалення паўвострава.

Украіна знішчыць Крымскі мост да сярэдзіны лета, паведамляе брытанскае выданне The sun са спасылкай на ўкраінскіх чыноўнікаў.

Выданне піша, што для нападу спатрэбяцца 20-40 ракет Storm Shadow, F-16 і марскія беспілотнікі.

Таксама выданне паказала план вызвалення Крыма.

Раней брытанскае выданне The Guardian са спасылкай на ўкраінскую выведку пісала, што ГУР рыхтуе трэці напад на мост пасля дзвюх папярэдніх спробаў падарваць яго, заяўляючы, што яго разбурэнне «непазбежнае».

«Мы зробім гэта ў першай палове 2024 года», – заявіў The Guardian адзін з чыноўнікаў, дадаўшы, што ў кіраўніка ГУР Кірыла Буданава ўжо ёсць «большая частка сродкаў для дасягнення гэтай мэты».