У ГУВ паказалі, як збівалі расейскі стратэгічны бамбавік Ту-22М3

Апублікаванае ўнікальнае відэа.

Украінцы ўпершыню знішчылі расейскі ядзерны бамбавік Ту-22М3.

Пра гэта паведаміў камандзір Паветранымі сіламі Узброеных сіл Украіны генерал-лейтэнант Мікалай Аляшчук.

«Упершыню зенітныя ракетныя падраздзяленні Паветраных сіл ва ўзаемадзеянні з Галоўнай управай выведкі МА Украіны знішчылі далёкі стратэгічны бамбавік Ту-22М3», – падзяліўся ён.

Аляшчук дадаў, што гэты самалёт з'яўляецца носьбітам крылатых ракет Х-22, якімі супраціўнік б'е па мірных гарадах Украіны.

«Падчас сённяшняй атакі ўпершыню знішчаны дзве такія ракеты. Украіне трэба больш сродкаў, больш ракет, каб лепш абараніць ад расейскага тэрарызму прыфрантавыя тэрыторыі», - падкрэсліў камандзір.

Паводле ягоных слоў, уночы 19 красавіка расейскія акупанты нанеслі камбінаваны ўдар ракетамі розных тыпаў і ўдарнымі дронамі. Агулам вораг ужыў 36 сродкаў паветранага нападу - 22 ракеты розных тыпаў і 14 ударных беспілотнікаў:

2 крылатыя ракеты Х-101/Х-555 з самалётаў стратэгічнай авіяцыі Ту-95 МС (раён пускаў Разань - РФ.);

14 ударных беспілотнікаў тыпу Shahed-131/136 (з раёнаў Прыморска-Ахтарск, Курская вобл. - РФ.);

12 кіраваных авіяцыйных ракет Х-59/Х-69 (Курская вобл. і з акваторыі Азоўскага мора); 2 крылатыя ракеты «Іскандэр-К» (з Крыма);

6 крылатых ракет Х-22 з далёкіх стратэгічных бамбавікоў Ту-22М3 з акваторый Чорнага і Азоўскага мораў.

Камандзір адзначыў, што да адбіцця паветранага нападу супраціўніка залучаныя зэнітныя ракетныя войскі Паветраных сіл, мабільныя агнявыя групы і падраздзяленні радыёэлектроннай барацьбы Сіл абароны Украіны.

Паводле ягоных слоў, у выніку супрацьпаветранага бою знішчана 29 паветраных цэляў: 2 крылатыя ракеты Х-101/Х-555; 14 ударных дронаў тыпу Shahed-131/136; 11 кіраваных авіяцыйных ракет Х-59/Х-69; 2 крылатыя ракеты Х-22.

У Галоўнай управе выведкі Міністэрства абароны таксама пракаментавалі знішчэнне варожага самалёта і паказалі фрагмент відэа гэтай аперацыі.

У выведцы паведамілі, што бамбавік Ту-22МЗ удалося збіць на адлегласці блізу 300 кіламетраў ад Украіны тымі ж сродкамі, якімі раней быў знішчаны расійскі самалёт далёкага радыёлакацыйнага выяўлення і кіравання А-50.

«З прычыны пашкоджання бамбавік змог даляцець у раён Стаўрапаля, дзе зваліўся і разбіўся. Адзначым, што гэта першае паспяховае знішчэнне стратэгічнага бамбавіка ў паветры падчас баявога вылету на працягу поўнамаштабнага ўварвання Расеі ва Украіну», - падкрэслілі ў ГУР МА.