21 траўня 2024, aўторак, 15:41
Падтрымайце
сайт
Сім сім,
Хартыя 97!
Рубрыкі

СБУ, ГУВ і спецназ Украіны правялі дзёрзкую аперацыю на тэрыторыі РФ

8
СБУ, ГУВ і спецназ Украіны правялі дзёрзкую аперацыю на тэрыторыі РФ

Дроны знішчылі тры электрападстанцыі і базу захоўвання паліва ў Расеі.

Уночы 20 красавіка ў васьмі рэгіёнах РФ раздаваліся выбухі. Пашкоджаныя не менш за тры электрападстанцыі, якія сілкавалі расейскі ВПК і база захоўвання паліва.

Начная “бавоўна” ў Расеі з'яўляецца вынікам супольнай аперацыі СБУ, ГУВ і ССА УСУ. Пра гэта OBOZ.UA стала вядома з уласных крыніц у спецслужбах.

Міністэрства абароны РФ раніцай 20 красавіка заявіла аб адбіцці атакі дронаў над шэрагам расейскіх абласцей. 50 дронаў, запэўнілі ў Расеі, нібыта былі збітыя над васьмю рэгіёнамі РФ: Белгарадскай, Бранскай, Курскай, Тульскай, Смаленскай, Разанскай, Калужскай і Маскоўскай абласцямі.

У МА РФ аб наступствах атакі не распавялі, у той жа час, са звестак крыніц OBOZ.UA ва ўкраінскіх спецслужбах, уночы ў Расеі было знішчана сама меней тры электрападстанцыі і база захоўвання паліва, дзе ўспыхнулі пажары.

Са звестак крыніц, гэта была супольная аперацыя СБУ, ГУВ і ССА УСУ. Мэтай для ўдараў стала энэргетычная інфраструктура, якая сілкуе аб'екты расейскага ВПК. Пасля атак у некаторых раёнах узніклі праблемы са святлом і водазабеспячэннем.

"Дроны СБУ чарговым разам даказалі сваю эфектыўнасць і прадэманстравалі вынік - паспяхова адпрацавалі па інфраструктуры, якая забяспечвае бесперабойную працу ваенных аб'ектаў на тэрыторыі Расеі", - адзначыла крыніца.

Са звестак расейскага выдання "ВЧК-ОГПУ", ноччу гарэла нафтабаза "Кардымава" ў Смаленскай вобласці: яна належыць расейскай кампаніі "Лукойл".

Напісаць каментар 8

Таксама сачыце за акаўнтамі Charter97.org у сацыяльных сетках