23 траўня 2024, Чацвер, 0:29
Падтрымайце
сайт
Сім сім,
Хартыя 97!
Рубрыкі

Прадпрымальнік: Будзе сыход з рынку

8
Прадпрымальнік: Будзе сыход з рынку
ІЛЮСТРАЦЫЙНАЕ ФОТА

Рэзанансны закон даб'е малы бізнэс у Беларусі.

Лукашэнка падпісаў закон аб пытаннях прадпрымальніцкай дзейнасці. Як і планавалася, чыноўнікі знізяць спіс відаў дзейнасці для ІП. Тым, хто не трапіць у гэты пералік, давядзецца або закрыцца зусім, або перайсці ў юрыдычную асобу.

Прадпрымальнік на ўмовах ананімнасці пракаментаваў сайту Charter97.org рэзанансны закон:

- Будзе значнае скарачэнне і сыход з рынку. Думаю, што паэтапна, не адразу. Бо шмат хто яшчэ думае. Але наняць бухгалтара і весці ўвесь улік - вельмі дорага. Асабліва са значным падзеннем продажаў.

ІП расказаў, што ў Беларусі моцна знізіліся продажы на рынках:

- А з прыходам расейскіх OZON і Wildberries, яшчэ і інтэрнэт-продажы ўпалі на некалькі разоў ва ўсім асартыменце. Напрыклад - гаспадарчыя тавары, іншыя тавары. Мяркуючы з камунікацыямі са знаёмымі - у іх тое ж самае.

Прадпрымальнік упэўнены, што толькі самыя вялікія ІП змогуць застацца на плаве:

- Арэнды сталі непад'ёмныя, бо няма даходу. І паступова нешта прадпрымальнікі распрададуць і сыдуць у ценявыя продажы рэшткаў. Толькі самыя вялікія ІП і з мінімальнымі выдаткамі змогуць перайсці на юрыдычную асобу.

Напісаць каментар 8

Таксама сачыце за акаўнтамі Charter97.org у сацыяльных сетках