NYT: ЗША дазволілі Украіне выкарыстоўваць ATACMS для ўдараў па Крыме

У Пентагоне назвалі цэлі.

Злучаныя Штаты Амерыкі дазволілі Украіне выкарыстоўваць ракеты вялікай далёкасці (на 300 км) ATACMS для ўдараў па вайсковых цэлях расейскіх акупацыйных войск у часова захопленым Крыме.

Сілы абароны Украіны ўжо выкарыстоўвалі гэта ўзбраенне два разы, адзін з якіх - удар па аэрадроме ў Джанкоі.

Аб гэтым паведаміла The New York Times са спасылкай на прадстаўнікоў міністэрства абароны ЗША. Адна з цэляў перадачы Кіеву сістэм вялікай далёкасці – больш націснуць на Крым.

"Украінскія сілы змогуць выкарыстоўваць нядаўна пастаўленую жаданую ракетную сістэму вялікай далёкасці для больш эфектыўнага знішчэння расейскіх сіл у акупаваным Крыме", – цытуе The New York Times словы прадстаўніка Пентагона.

Са слоў дарадцаў Белага дома ў нацыянальнай бяспецы, ракетныя сістэмы могуць глыбей пракрасціся ў акупаваныя Расеяй тэрыторыі Украіны і нацэліцца на вузлы паставак расейскіх войск на паўднёвым усходзе, піша выданне.

Мэта сістэм вялікай далёкасці – больш націснуць на Крым, дзе сканцэнтраваныя расейскія паветраныя і наземныя сілы, "дзе цяпер Расея мае адносна бяспечны прытулак", сказаў журналістам высокапастаўлены прадстаўнік міністэрства абароны.

У Пентагоне адмовіліся ўказаць дакладную колькасць сістэм далёкага дзеяння, якія былі адпраўленыя ва Украіну.

Таксама суразмоўцы выдання сказалі, што Украіна выкарыстала ATACMS, каб нанесці ўдар па расейскіх войсках у партовым горадзе Бярдзянску. Таксама адной з цэляў быў аэрадром у Джанкоі (Крым).