Лукашэнкаўскія вайскоўцы прыехалі на вучэнні ў Іран

Дэлегацыю ўзначаліў генерал-маёр Бас.

Лукашэнкаўскія вайскоўцы бяруць удзел у камандна-штабным вучэнні «Пояс бяспекі 2024», якое праходзіць у Іране.

Як паведамілі ў Дэпартаменце міжнароднага вайсковага супрацоўніцтва Мінабароны, дэлегацыю ў Тэгеране ўзначаліў начальнік галоўнай управы баявой падрыхтоўкі УС генерал-маёр Аляксандр Бас. Тэмай вучэння з'яўляецца «барацьба з тэрарызмам».

Прэс-служба Мінабароны апублікавала фатаграфіі дэлегацыі.