«На шпацыр толькі ўдваіх з двума парнымі вазкамі»

Як сям'я з Кобрына выхоўваюць чацвярнятак.

Сяргей і Ганна Скупейкі з горада Кобрына – унікальная сям'я, яны выхоўваюць чацвярнятак, паведамляе «Віртуальны Брэст».

Вестка, што ў сям'і будзе адразу чацвёра дзетак, прымусіла будучых бацькоў зведаць увесь спектр эмоцый. Ад сям'і не хавалі, цяжарнасць шматплодная, але Сяргей і Ганна адчувалі, што ўсё будзе добра.

6 ліпеня 2023 года ў сям'і Скупейкаў з'явіліся адразу чацвёра сыноў: Дзмітрый, Цімафей, Іван і Аляксандр. Усе дзеткі нарадзіліся здаровыя, хоць і з невялікай вагой.

Першымі і самымі надзейнымі памагатымі шматдзетнай сям'і сталі бацькі Сяргея і Ганны. Акрамя гэтага, маладым бацькам дзяржаўная ўстанова «Кобрынскі тэрытарыяльны цэнтр сацыяльнага абслугоўвання насельніцтва» вылучыла няньку на поўны працоўны дзень.

Са словаў маладога бацькі, на першым часе былі складанасці з рэжымам, бяссонныя ночы. Практычна кругласутачная варта каля малых. «Купанне, кармленне без дапамогі адно аднаго не абыходзіцца. На шпацыр толькі ўдваіх з двума парнымі вазкамі. Нягледзячы на тое, што яны яшчэ зусім маленькія, ужо можна сказаць, што характары розныя. Яны падобныя ў парах, але праз гадзіну іх адрозніваюць нават знаёмыя», – дзеліцца малады бацька.