Украінскі лётчык расказаў, што магло адбыцца з гелікаптэрам прэзідэнта Ірана
- 21.05.2024, 15:21
- 17,830
Гелікаптэр можна лёгка вывесці з ладу.
Амерыканскі гелікаптэр Bell-212, на борце якога ляцеў прэзідэнт Ірана Ібрахім Раісі, патрапіў у аварыю недалёка ад мяжы з Азербайджанам.
Што магло адбыцца з гелікаптэрам кіраўніка Ірана? Гэтае пытанне сайт Charter97.org задаў лётчыку-інструктару і палкоўніку Узброеных сіл Украіны ў запасе Раману Світану:
- Рэч у тым, што борту Раісі было больш за 40 гадоў. Так, ён амерыканскі, пытанняў няма. Калі амерыканскія барты паўнавартасна абслугоўваць, то ён можа лятаць і 50, і 70 гадоў.
Калі краіна знаходзіцца пад санкцыям, то на іх лятаць нельга: вузлы і агрэгаты любога лятальнага апарата напружаныя. Калі няма дастатковага абслугоўвання, асабліва гелікаптэраў, то яны вельмі хутка выходзяць з ладу. Гэта сур'ёзная праблема.
З аднаго боку, гэта апарат, які лепшы за расейскія на галаву, але без паўнавартаснага абслугоўвання ўзніклі праблемы.
На мой погляд, асноўны варыянт таго, што здарылася, якраз адмова тэхнікі.
- Ці ёсць імавернасць таго, што падзенне гелікаптэра - праца замежных спецслужбаў або вынік ўнутрыпалітычнай барацьбы ў Іране?
- Рэч у тым, што гелікаптэр вельмі лёгка вывесці з ладу. Гэта лятальны апарат без механізма планавання, у адрозненне ад самалёта.
Самалёт складаней вывесці з ладу, чым гелікаптэр. У гелікаптэры на парадак больш механізмаў для стварэння аварыйнай абстаноўкі, чым на самалёце.
Вельмі складана ўжо пасля аварыі адсачыць, што менавіта выйшла з ладу. Менавіта таму гелікаптэры вельмі рэдка выкарыстоўваюцца першымі асобамі для перамяшчэння.
Ёсць амерыканскія «круцёлкі», але яны спецыяльна зробленыя так, каб бы іх было практычна немагчыма вывесці з ладу. Напрыклад, у іх узмоцненыя рухавікі.
Кіраўніком Ірана ж выкарыстоўваўся шараговы амерыканскі гелікаптэр. Тут 50 на 50: адмова тэхнікі і дыверсія.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
