13 чэрвеня 2024, Чацвер, 13:28
Падтрымайце
сайт
Сім сім,
Хартыя 97!
Рубрыкі

Расейская авіябомба ўпала на ТРЦ у Белгарадзе і прабіла дах

8
Расейская авіябомба ўпала на ТРЦ у Белгарадзе і прабіла дах

Не даляцела да Харкава.

Пасля ўдару па Харкаве, у выніку якога загінулі і пацярпелі людзі, расейскія вайскоўцы хацелі нанесці яшчэ ўдары. Аднак усё пайшло не паводле плану, і авіябомба ФАБ-1500 упала на ТРЦ расейскага Белгарада.

Але, магчыма, снарад не разарваўся. Пра гэта паведаміў ваенны эксперт, каардынатар групы «Інфармацыйны супраціў» Аляксандр Каваленка.

«Вашай увазе тое, як расейскія пляцоўкі цяпер асвятляюць тое, што нешта прыляцела ў іхнім любімым Белгарадзе. Заяўка расейскага боку – вынік абстрэлу Украіны. Ну, вядома, пасля таго, як вы забілі і пакалечылі дзясяткі людзей у харкаўскім “Эпіцэнтры” толькі так можна апраўдаць сваё злачынства – а яны ж таксама! І я нават падумаў бы, што яны самі сябе абстралялі, дзеля апраўдання гэтага злачынства. Але не», – адзначыў ён.

Эксперт звярнуў увагу на характар пашкоджанняў будынка. Паводле ягоных словаў, ён не адпавядае, напрыклад, 122-мм рэактыўнаму снараду ці нават 152-мм снараду, выпушчанаму з гарматы (у выпадку самаабстрэлу, таму што адлегласць не тая).

Аляксандр Каваленка перакананы, што гэта больш падобна на падзенне на будынак паўтаратоннай авіяцыйнай бомбы тыпу ФАБ-1500М54, у якой не раскрыўся УМПК. На карысць гэтай версіі сведчаць характэрныя пашкоджанні даху будынка, адсутнасць аскепкавых элементаў ад выбуху боепрыпасу (калі б ён быў) і хвалевы эфект на ніжнім паверсе, што характэрна для ўдару цяжкага, але не дэтанаванага аб'екта.

«Гэта значыць, расейскія ПКС пасля крывавага ўдару па Харкаве планавалі прадаўжаць удары, але адна з бомбаў, як гэта ўжо неаднаразова было, не спрацавала штатна і ўпала ў Белгарад. Але вінаватыя, вядома, украінцы…» – рэзюмаваў ён.

Варта адзначыць, што ў суботу, 25 траўня, Харкаў увесь дзень знаходзіўся пад абстрэламі расейскіх тэрарыстаў. Ваенныя злачынцы ўдарылі па будаўнічым гіпермаркеце, Цэнтральным парку і раёне шчыльнай жылой забудовы. Усяго ў выніку гэтых атак чатыры чалавекі загінулі і 54 атрымалі раненні, яшчэ 4 прапалі без вестак.

Напісаць каментар 8

Таксама сачыце за акаўнтамі Charter97.org у сацыяльных сетках