Лаўроў занерваваўся праз хуткае з'яўленне F-16 ва Украіне

Кіраўнік МЗС РФ загаварыў аб «ядзернай пагрозе».

Расеі не падабаецца, што Украіна неўзабаве атрымае ад краін Захаду знішчальнікі F-16. Крэмль згадаў, што гэтыя старыя амерыканскія самалёты выкарыстоўвалі ў вайсковых ядзерных вучэннях NАТО. Таму з'яўленне знішчальнікаў на полі бою будзе разглядацца як ядзерная пагроза. Чарговыя пагрозы Масквы міністр замежных спраў РФ Сяргей Лаўроў агучыў у інтэрв'ю РІА «Новости».

Лаўроў заявіў расейскім журналістам, што адна з тэм, якая турбуе Крэмль - гэта прыбыццё знішчальнікаў F-16. Такія дзеянні будуць азначаць, што ЗША і краіны Паўночнаатлантычнага альянсу "гатовыя на ўсё ва Украіне". Калі партнёры даюць новую зброю Сілам абароны Украіны, то гэтым яны даюць "сігнал у ядзернай сферы". Каб неяк "прывесці ў прытомнасць апанентаў", РФ і Беларусь правялі супольныя ядзерныя вайсковыя вучэнні, нагадаў міністр.

«Не можам не разглядаць пастаўкі гэтых сістэм кіеўскаму рэжыму як наўмыснае сігнальнае дзеянне NАТО ў ядзернай сферы. Нам спрабуюць даць зразумець, што ва Украіне ЗША і NАТО гатовыя літаральна на ўсё», - заявіў прадстаўнік Масквы.

Акрамя таго, Лаўроў яшчэ раз прыстрашыў разгортваннем сіл ядзернага стрымлівання.