Усе «Нептуны» даляцелі да цэлі: новыя падрабязнасці ўдару па порце «Каўказ»
5- 31.05.2024, 9:45
- 21,110
![Усе «Нептуны» даляцелі да цэлі: новыя падрабязнасці ўдару па порце «Каўказ»](https://i.c97.org/ai/597116/aux-head-1717137717-20240326_foto2_360.jpg)
Расейскія найноўшыя сродкі СПА нічога не змаглі зрабіць.
У Краснадарскім краі РФ удар па порце "Каўказ" быў ажыццёўлены 8 ракетамі ўкраінскай вытворчасці. Усе яны даляцелі да цэлі. Пра гэта са спасылкай на ўласныя крыніцы паведаміў украінскі журналіст Андрэй Цапліенка.
“Паводле маёй інфармацыі, удар па паромнай пераправе і нафтавым тэрмінале порта «Каўказ» быў ажыццёўлены адразу васьмю ракетамі РК-360МЦ “Нептун” украінскай вытворчасці. Усе даляцелі да цэлю а другой гадзіне ночы. Расейскія найноўшыя сродкі СПА нічога не змаглі зрабіць”, - расказаў журналіст.
![](https://i.c97.org/ai/597116/aux-1717137653-1.jpg)
Ён дадаў, што гэтак жа раней супрацьпаветраная абарона УС РФ не змагла нічога зрабіць, калі амерыканскія ракеты ATACMS, вырабленыя 30 гадоў таму, знішчылі Керчанскую паромную пераправу насупраць порта "Каўказ".
“Выведзены з ладу ўсе сродкі і механізмы, з дапамогай якіх ажыццяўляецца загрузка вайсковых эшалонаў на паром. Кажуць, што адзін з украінскіх ваеначальнікаў, які кіраваў аперацыяй, аб якасці расейскай СПА выказаўся так: “Наступным разам будзем “працаваць” ПТУРамі”.
Андрэй Цапліенка адзначыў, што ўдары па акупаваным Крыме разам рыхтавалі ВМС Украіны, СБУ і ГУВ МА.
Нагадаем, што ўначы 30 траўня, Сілы абароны Украіны нанеслі ўдар ракетамі ATACMS па Керчанскай паромнай пераправе. Указаная пераправа актыўна выкарыстоўваецца расейцамі для забеспячэння групоўкі войскаў у часова акупаваным Крыме.
У выніку атакі ў Крыме, былі пашкоджаныя 4 катары КС-701 “Тунец”, 2 з якіх знішчаныя. Гэтыя плавальныя сродкі УС РФ выкарыстоўвалі для лагістыкі і патрулявання акваторыі паблізу часовай акупаванай паўвыспы.