Расейскі дэсант спрабаваў фарсаваць Дняпро, але нешта пайшло не так

У Сеціве з'явілася відэа няўдалага нападу.

Штодня ў Сеціве з'яўляюцца новыя відэа з перадавой лініі фронту, на якіх захаваныя няўдалыя спробы расейскіх акупантаў штурмаваць пазіцыі УСУ.

Тэлеграм-канал «Украіна 365» апублікаваў відэа, на якім зняты момант, як падчас фарсавання ракі Дняпро на акупаванай частцы Херсонскай вобласці лодка расейскіх захопнікаў падрываецца на міне.

На кадрах заўважна, як пасля выбуху акупанты з лодкі падляцелі ў вышыню на некалькі метраў, іх падарожжа па Дняпры было закончанае, ну а сам катар, відаць, пайшоў на дно.