З новаўвядзеннем для ІП пачалася блытаніна
3- 4.06.2024, 15:47
- 9,800
![З новаўвядзеннем для ІП пачалася блытаніна](https://i.c97.org/p/articles/2015/ai-149232-aux-head-20150427_rynok_bymedia.net_360.jpg)
Чыноўнікі далі заднюю.
Падаткавікі планавалі, што з 1 ліпеня абавяжуць усіх індывідуальных прадпрымальнікаў падаваць дэкларацыі толькі ў электронным фармаце. Аднак 4 чэрвеня Міністэрства падаткаў і збораў паведаміла, што перанясуць гэтае патрабаванне.
Прычына пераносу - загружанасць спецыяльных рэгістрацыйных цэнтраў, якія могуць правяраць электронныя лічбавыя подпісы. Праз гэта ў МПЗ скардзіліся ІП, што не могуць выканаць патрабаванне наконт электронных дэкларацый.
«Пададзеныя індывідуальнымі прадпрымальнікамі падатковыя дэкларацыі (разлікі) на папяровым носьбіце пасля 1 ліпеня 2024 года будуць прымацца падатковымі органамі ва ўстаноўленым парадку», - паведамляюць у МПЗ.