Увесь Крым знаходзіцца пад агнявым кантролем Сіл абароны Украіны

Акупанты зрабілі высновы і пачалі выводзіць свае караблі.

Украінскія абаронцы трымаюць усю тэрыторыю акупаванага паўвострава пад агнявым кантролем.

Пра гэта ў эфіры FREEДОМ паведаміў начальнік Цэнтра стратэгічных камунікацый Сіл абароны поўдня Украіны Дзмітрый Плецянчук.

Ён адзначыў, што дазвол на ўдары заходняй зброяй па акупаваным паўвостраве не патрэбны, бо Крым з'яўляецца міжнародна прызнанай тэрыторыяй Украіны. Што да ўдару па порце «Каўказ», Плецянчук адзначыў, што ўдары наносіліся ўкраінскім узбраеннем.

«Што тычыцца Крыма - гэта ўсё наша тэрыторыя. Тут ні ў каго не ўзнікае ніякіх пытанняў у выкарыстанні. І улічваючы радыус, які пакрываецца пасля ўдару па порце «Каўказ», адпаведна, ва ўсіх ёсць разуменне, што Крым фактычна ўвесь знаходзіцца пад агнявым кантролем. І ў прынцыпе, да гэтага было дастаткова шмат цікавых кейсаў, якія мы ніяк не агучвалі па факце. Аднак, тая ж самая паромная пераправа ў Керчы таксама сведчыць ужо шмат аб чым», - сказаў спікер.

Плецянчук адзначыў, што расейскія акупанты зрабілі адпаведныя высновы і з Крыма.

«Для гэтага трэба было страціць самы новы малы ракетны карабель са складу флоту, каб, нарэшце, на гэта наважыцца», - адзначыў ён.

Нагадаем, за 27 месяцаў Украіна ўдарамі па Чарнаморскім флоце РФ у акупаваным Крыме патапіла або сур'ёзна пашкодзіла больш за дзясятак буйных вайсковых караблёў. Гэта блізу траціны ад усяго флоту.