ЕЗ дасць Арменіі вайсковую дапамогу

Упершыню ў гісторыі.

Рада ЕЗ ухваліла дапамогу Узброеным Сілам Арменіі ў рамках Еўрапейскага фонду міру (EPF) на 10 млн еўраў. Гэта першае падобная пастанова Еўразвязу, паведамляе zn.ua са спасылкай на прэс-рэліз Рады.

Адзначаецца, што гэта дапамога павінна ўзмацніць матэрыяльна-тэхнічны патэнцыял армянскага войска і паспрыяць паляпшэнню абароны цывільных асоб у крызісных і надзвычайных сітуацыях. Таксама з дапамогай такой падтрымкі Ерэван зможа зрабіць свае войскі больш сумяшчальнымі з заходнімі, каб далей ён змог удзельнічаць у супольных з ЕЗ аперацыях.

"Мы маем узаемную цікавасць у далейшым пашырэнні нашага дыялогу ў замежнай палітыцы і палітыцы бяспекі, таксама разглядаем будучы ўдзел Арменіі ў місіях і аперацыях пад кіраўніцтвам ЕЗ", — заявіў кіраўнік еўрапейскай дыпламатыі Жазэп Барэль.

Раней СМІ паведамлялі, што ў ЕЗ прынялі пастанову аб пачатку перамоў аб бязвізе з Арменіяй. Крыніцы паведамілі, што візавы рэжым скасуюць толькі пры поўным выкананні Ерэванам усіх неабходных крытэрыяў Еўразвязу, што зойме некалькі гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com