Беларусь рыхтуецца прыняць «бомбавы» цыклон

Апублікаваны рэкамендацыі МНС.

Аранжавы ўзровень небяспекі праз непагадзь аб'явілі з нядзелі да аўторка. Адпаведнае папярэджанне апублікаваў Белгідрамет.

Удзень у нядзелю па заходняй палове рэспублікі і ў Менску чакаюцца навальніцы і ўзмацненне заходняга ветру парывамі 15-20 м/с.

У панядзелак чакаюцца складаныя ўмовы надворʼя: у многіх раёнах рэспублікі і ў Менску ўзмацненне заходняга, паўночна-заходняга ветру парывамі 15-22 м/с, раніцай і ўдзень месцамі па краіне да 25-27 м/с; удзень у многіх раёнах Беларусі і Менску моцныя дажджы.

У аўторак уначы на большай частцы тэрыторыі рэспублікі і ў Менску захаваецца ўзмацненне паўночна-заходняга ветру парывамі 15-20 м/с.

Раней сіноптыкі папярэджвалі, што да 29 ліпеня ў Беларусь можа прыйсці сурʼёзны цыклон. Як адзначыў аўтар тэлеграм-канала nadvorie, «будзем мець справу з выбуховым цыклагенезам, т.зв. бомбавым развіццём пазатрапічнага цыклону».

Рэкамендацыі МНС пры моцным ветры:

прыбярыце гаспадарчыя рэчы з двара і балконаў у хату (склеп), абрэжце сухія дрэвы, якія могуць нанесці шкоду вашаму жыллю;

машыну пастаўце ў гараж, пры адсутнасці гаража машыну варта паркаваць удалечыні ад дрэў, а таксама слаба ўмацаваных канструкцый;

знаходзячыся на вуліцы, абыходзіце хісткія будынкі і дамы з няўстойлівым дахам;

пазбягайце дрэў і разнастайных збудаванняў падвышанай рызыкі (мастоў, эстакад, трубаправодаў, ліній электраперадачы, патэнцыйна небяспечных прамысловых абʼектаў).

Пры навальніцы:

па магчымасці не выходзіць з дому, знаходзячыся ў памяшканні, трымацца далей ад вокнаў;

максімальна адключыць электрапрыборы;

тым, хто знаходзіцца на вуліцы, паспрабаваць абраць хованку, але толькі не пад дрэвамі;

аўтамабілістам рэкамендуецца спыніць рух і зачыніць вокны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com