З'явіліся падрабязнасці ліквідацыі завадатара ХАМАС у Тэгеране

У дом, дзе ён знаходзіўся, прыляцела кіраваная ракета.

Забойства палітычнага лідара ХАМАС Ісмаіла Ханіі было ўчыненае кіраванай ракетай, накіраванай на яго прыватную рэзідэнцыю ў Тэгеране, паведамляюць крыніцы выдання Al Hadath, якое цытуе BBC.

Выданне паведамляе, што ракета патрапіла ў дом а 2:00, тое ж самае сцвярджаюць і іранскія дзяржаўныя СМІ.

Агенцтва Fars news, якое звязана з Рэвалюцыйнай гвардыяй Ірана, таксама паведамляе, што Ханія знаходзіўся ў рэзідэнцыі для ветэранаў на поўначы Тэгерана, і што ён быў забіты "набоем з паветра".

У сераду, 31 ліпеня, Корпус вартавых ісламскай рэвалюцыі заявіў, што лідар палестынскай групоўкі ХАМАС Ханія быў забіты ў сваёй рэзідэнцыі ў Тэгеране.

У ХАМАС пазней пацвердзілі забойства Ісмаіла Ханіі. Чалец палітбюро групоўкі ХАМАС Муса Абу Марзук назваў забойства Ханіі "подлым учынкам" і заявіў, што яно "не застанецца бяскарным". ХАМАС ускладае адказнасць за забойства на Ізраіль. Ізраільскі бок пакуль не каментаваў смерць Ханіі.

Ісмаіл Ханія - палестынскі палітык і адзін з лідараў тэрарыстычнага руху ХАМАС. З 29 сакавіка 2006 да 2 чэрвеня 2014 года быў прэм'ер-міністрам Палестынскай дзяржавы. ХАМАС прызнаны тэрарыстычнай арганізацыяй у Еўразвязе і ЗША, а самога Ханію ЗША прызналі тэрарыстам у 2018 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com