Эрдаган заявіў Сі пра пагрозу распаўсюджвання вайны ва Украіне
10- 4.07.2024, 18:15
- 9,802
![Эрдаган заявіў Сі пра пагрозу распаўсюджвання вайны ва Украіне](https://i.c97.org/ai/601574/aux-head-1720106146-20240101_skriin_360.jpg)
Паводле ягоных словаў, міжнародная супольнасць павінна ўжыць эфектыўныя захады ў гэтым пытанні.
Прэзідэнт Турцыі Рэджэп Таіп Эрдаган на сустрэчы з кітайскім лідарам Сі Цзіньпінам у Астане заявіў пра пагрозу распаўсюджвання вайны ва Украіне на глабальным узроўні, паведамляе Управа камунікацыі краіны ў сацсетцы X.
«Прэзідэнт Эрдаган падкрэсліў значнасць небяспекі экспансіі ўкраінска-расейскай вайны <...> на рэгіянальным і глабальным узроўнях, падкрэсліў, што міжнародная супольнасць павінна ўжыць эфектыўныя захады ў гэтым пытанні», – гаворыцца ў паведамленні.
Эрдаган прыбыў у сталіцу Казахстана для ўдзелу ў саміце кіраўнікоў дзяржаваў Шанхайскай арганізацыі супрацоўніцтва (ШАС).