«Брытанія перайшла так званыя “чырвоныя лініі” Расеі»

І паказала хаўруснікам, што нельга баяцца эскалацыі.

З прыходам новага ўраду Вялікай Брытаніі Украіна можа спадзявацца на большую колькасць зброі і тэхнікі. Пра гэта ў эфіры тэлеканала FREEДОМ заявіў рэдактар украінскай службы Atlantic Council, выдавец часопісаў Business Ukraine і Lviv Today Пітэр Дзікінсан.

Паводле ягоных словаў, пункт «Абарона і бяспека» ў пагадненні пра стагадовае супрацоўніцтва, якое маюць намер падпісаць Кіеў і Лондан, прадугледжвае вылучэнне большай колькасці зброі Украіне.

«Цяпер у прыярытэце – гэта даць Украіне больш зброі і хутчэй. Так можна сказаць пра любога партнёра Украіны. Мы ўжо бачылі ў апошнія 2,5 гады, Брытанія часта была піянеркай, лідаркай, якая стварыла прыклад для іншых. Гэта значыць, Брытанія першая, хто дала супрацьтанкавую зброю ў студзені 2022-га, Брытанія першая, хто дала сучасныя танкі Украіне ў студзені 2023-га. Брытанія першая дала Украіне ракеты ў траўні 2023 года. І сёлета Брытанія першая, хто дала зялёнае святло для выкарыстання іх зброі менавіта на тэрыторыі Расейскай Федэрацыі. Гэта значыць, Брытанія даволі часта ў гэтай вайне давала прыклад іншым краінам і перайшла так званыя чырвоныя лініі Расеі. Яна паказала, што нічога не адбываецца, калі пераходзяць гэтыя абстрактныя “чырвоныя лініі”, скажам так», – сказаў Дзікінсан.

На ягоную думку, цяпер важна, каб Брытанія прадаўжала ў такім самым духу, давала Украіне новыя катэгорыі зброі і тэхнікі, паказваючы прыклад іншым хаўруснікам.

«Паказвала, што не трэба баяцца эскалацыі, не трэба трымаць сябе ў руках, як многія заходнія лідары цяпер робяць праз нейкі абстрактны страх наконт Расеі. Бо ўсё ж так ніхто ні ў якай вайну не пераможа. І гэта тое, што Брытанія паказвала ў апошнія 2,5 гады, і яно павінна прадаўжацца ў такім самым духу», – сказаў Дзікінсан.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com