AP: Байдэн слаба разумее канкрэтныя захады супраць Расеі і Кітая.
38- 9.07.2024, 18:10
- 6,560
Але сітуацыю разумее глыбока.
Прэзідэнт ЗША Джо Байдэн глыбока разумее сітуацыю вакол канфлікту ва Украіне ці пагрозаў Кітая, але абцяжарваецца ў пытаннях канкрэтных захадаў, якія ўжываюцца ў кантэксце гэтых праблемаў, піша Associated Press (AP) са спасылкай на крыніцы ў адміністрацыі ЗША.
Ягоныя крыніцы дадалі, што пакуль агульны псіхічны стан Байдэна не выклікае пытанняў.
Байдэну 81 год. Апошнім часам абвастрылася абмеркаванне ягонай здольнасці быць прэзідэнтам і далей праз узрост, асабліва на фоне няўдалых дэбатаў з былым прэзідэнтам Дональдам Трампам, якому 78 гадоў.
Дэбаты прайшлі 28 чэрвеня ў эфіры CNN. Канал пасля іх правёў апытанне, паводле якога 67% рэспандэнтаў аддалі перамогу Трампу, 33% – Байдэну.