Politico: Клінтан і Харыс маглі б перамагчы Трампа на выбарах прэзідэнта

Апытанне.

Экс-дзяржсакратарка ЗША Хілары Клінтан і дзейная віцэ-прэзідэнтка Камала Харыс гіпатэтычна здольныя перамагчы кандыдата ад Рэспубліканскай партыі ЗША Дональда Трампа на выбарах прэзідэнта, сведчаць вынікі апытання даследчай кампаніі Bendixen&Amandi, прапанаваныя Politico.

Як адзначае выданне, дзейны прэзідэнт Джо Байдэн пасля няўдалых дэбатаў рызыкуе саступіць Трампу на будучых выбарах, што і падштурхоўвае ўгару рэйтынгі ягоных канкурэнтаў у дэмпартыі. Так, апытанне паказала, што Байдэн ужо адстае ад Трампа на 1 пункт (42% супраць 43%). Пры гэтым толькі 29% з 86% апытаных, якія глядзелі дэбаты, заявілі пра здольнасць (разумовую і фізічную) Байдэна вытрымаць новы чатырохгадовы тэрмін. Яшчэ 52% выказалі ўпэўненасць, што ён мусіць пакінуць прэзідэнцкую гонку.

Віцэ-прэзідэнтка Камала Харыс, як патэнцыйная кандыдатка ў прэзідэнты ЗША, апярэджвае Трампа на 1 пункт (42% супраць 41%), сведчаць вынікі апытання. У той самы час Хілары Клінтан, якая балатавалася на пасаду прэзідэнта ў 2016 годзе, але саступіла Трампу, цяпер апярэджвае яго на 2 пункты (43% супраць 41%). Апытанне таксама паказала, што калі Хілары і Харыс аб'яднаюцца і пойдуць ад дэмпартыі ў звязку «прэзідэнтка – віцэ-прэзідэнтка», то іх перавага над Трампам вырасце да 3 пунктаў.

Сярод іншых патэнцыйных кандыдатаў ад дэмпартыі, якіх выявіла апытанне – губернатар Каліфорніі Гэвін Ньюсам (37% супраць 40% Трампа) і губернатарка Мічыгана Грэтхен Уітмер (36% супраць 40%).

«Выбарнікі сур'ёзна занепакоеныя старэчым узростам прэзідэнта Байдэна, і іх асцярогі [пасля дэбатаў] толькі ўзмацніліся», – заявіў Politico сацыёлаг з каманды экс-прэзідэнта ЗША Барака Абамы (2009–2017) Фернан Аманды. Паводле ягоных словаў, ён быў моцна здзіўлены «сілай Хілары» ў апытанні Bendixen&Amandi.

«У той час як некаторыя адхіляюць яе як “учорашнюю навіну” і кандыдатку мінулага, выбарнікі, прынамсі, у гэтым апытанні, мяркуюць, што яны могуць быць адкрытыя для вяртання Клінтан і што спіс з Клінтан у якасці прэзідэнткі і Харыс у якасці віцэ-прэзідэнткі – “мацнейшы разам”», – дадаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com