Украіна паралізавала працу расейскага распрацоўшчыка ядравых боепрыпасаў
4- 17.08.2024, 17:43
- 6,480
![Украіна паралізавала працу расейскага распрацоўшчыка ядравых боепрыпасаў](https://i.c97.org/p/articles/ai-151847-aux-head-jadernij_potencial_360.jpg)
Разведка таксама атрымала масіў дакументаў прадпрыемства.
Спецыялісты Галоўнага ўпраўлення разведкі Міністэрства абароны Украіны сумесна з хакерскай групай "ВО Team" паралізавалі працу расейскага прадпрыемства, якое распрацоўвае ядравую зброю. Пра гэта паведаміла прэс-служба ГУР.
Паводле інфармацыі разведкі, у выніку паспяховай атакі на адзінага правайдэра ў горадзе Сняжынск Чэлябінскай вобласці РФ – кампанію "Вега" – выведзены са строю яго 1173 камутатары і 10 сервераў. Інфармацыя на серверах правайдэра была знішчаная.
Без інтэрнэту і паслуг сувязі амаль тыдзень застаецца шэраг стратэгічных прадпрыемстваў горада, у тым ліку Усерасейскі навукова-даследчы інстытут тэхнічнай фізікі. Гэта расейскае прадпрыемства-распрацоўшчык ядравых боепрыпасаў, падключанае толькі да правайдэра "Вега".
Кібератака дазволіла атрымаць персанальныя даныя работнікаў і масіў іншых дакументаў названага завода, які знаходзіцца пад санкцыямі. Атрыманая інфармацыя дазваляе ўстанавіць механізмы абыходу санкцый і датычных да гэтага асоб, адзначылі ў ГУР.
Следствам кібераперацыі таксама стала пагроза зрыву дзяржабаронзаказу агрэсара, пра што сведчаць каментары ў мясцовых пабліках.